1998-жыл

5-июнь Кыргыз Республикасынын Өкмөтүнүн №333 токтомуна ылайык «Кыргызгосэнергохолдинг» мамлекеттен ажыратуу  жана менчиктештирүү боюнча программа» 1997-жылдын 23-апрелинде Кыргыз Республикасынын Өкмөтүнүн токтомуна ылайык аталышын өзгөртүүдө, жаңы атылышы – «Кыргызэнерго» акционердик коомун мамлекеттен ажыратуу жана менчиктештирүү программасы».

Борбор Азия мамлекеттеринин энерготутумунун бирдиктүү иштөөсү боюнча 17-июнда Кыргыз Республикасынын Өкмөтү, Казакстан Республикасынын, Өзбекстан Республикасынын жана Тажикстан Республикасынын Өкмөттөрү арасында Макулдашууга кол коюлат.

6-июлда Кыргыз Республикасынын Өкмөтүнүн №426 токтомуна ылайык Кыргыз Өкмөтү алдындагы Энергетика боюнча мамлекеттик агенттигинде Энергетика жана газ боюнча Мамлекеттик инспекция негизделген.

7-июлдаКыргыз Республикасынын Өкмөтүнүн чечими менен «Энергия үнөмдөө» боюнча №84 мыйзам кабыл алынган.

Кыргыз Республикасынын Жогорку Кеңешинин Эл өкүлдөр жыйыны  6-ноябрдагы №936-1-15 токтому менен  «Кыргызэнерго» АК мамлекеттен ажыратуу жана менчиктештирүү» боюнча токтомун бекиткен. 

1999-жыл

11- мартта  Кыргыз Республикасынын Юстиция министрлиги «Кыргызэнерго» АКнын жаңы уставын каттаган (кат. № 1147-3301).

24-мартта Кыргыз Республикасынын Жогорку Кеңешинин Мыйзам чыгаруу жыйыны №1358-1 токтому менен «Кыргызэнерго» АК мамлекеттен ажыратуу жана менчиктештирүү программасын» бекиткен.

«Кыргызэнерго» АК жана КИТБ «Энергия» адистеринин тобу тарабынан биринчи кварталда «Кыргызстанда 1999-2005-жылга чейин кичи гидроэнергетиканы өнүктүрүү программасы» иштелип чыккан.

«Кыргызэнерго» АКнын 5-октябрдагы  кезексиз жыйынынын чечими менен «Кыргызэнерго» АКнын курамынан ККОИ «Кыргызэнергоспецремонт», «Кыргызэнергоремонт», Аламедин ГЭС каскаддары жана Бишкек жылуулук тармактары ишканасынын дене тарбиясын-ден соолукту чыңдоо комплекси чыгарылган.

2000-жыл

29-январда Кыргыз Республикасынын Өкмөтү «Кыргызэнерго» АК Реструктуризациялоо» тууралуу №38 токтому  менен анын курамынан жаңы акционердик коомдорду чыгарган:

- «Электр бөлүштүрүүчү компаниялар»;

- «Электр станциялары»;

-«Бишкек жылуулук тармактары ишканасы»;

- «Кыргызстан улуттук электр тармагы».

ММФ 22.05.2000-ж №69 буйругунун негизинде Аламедин ГЭС Каскады «Чакан ГЭС» акционердик коому болуп түзүлгөн.

Кыргыз Республикасынын Өкмөтүнүн чечими менен июнь айында электр энергиясын жана жаратылыш газын чек ара аркылуу берүүдө Кыргызстандын кызыкчылыгын коргоо максатында энергетикалык бажы түзүлгөн.

2-сентябрдан баштап Борбор Азия мамлекеттеринин (Кыргызстан, Өзбекстан, Казакстан жана Тажикстан) энергетикалык тутуму Россиянын Бирдиктүү энергетикалык тутуму менен шайкеш иштей баштады.

16-октябрда Бишкек ЖЭБте кубаттуулугу 90 мВт болгон №11 турбоагрегат биринчи жолу иштетилген. Бул иш чарага Кыргыз Республикасынын Президенти А.А Акаев жана Россия Федерациясынын Президенти В.В. Путин катышкан. Курулуш иштерин жана монтаждоо иштерин «Кыргызэнергострой» АКсы, «Средазэнергомонтаж» жана башка ишканалар жүргүзгөн. Ал эми жабдыктарды тендердин негизинде жеңип алган «Технопромэкспорт» (РФ) компаниясы камсыздаган. Курулушту Бүткүл Дүйнөлүк банк 23,9 млн долларга каржылаган.

Ноябрь айында Алабел 500 кВ, Семетей 200 кВ көмөк чордондору жана 220 кВ Алабел-Семетей аба чубалгыларынын курулушу аяктап  Талас областы Кыргыз энерготутумунан электрэнергиясы менен камсыздалган.

2001-жыл

12-январда «Кыргызэнерго» АКнын акционерлеринин кезексиз жыйыны болуп,  анда «Кыргызэнерго» АК кайрадан уюштуруу маселеси каралып,  курамынан электр жана жылуулук тармактарын мүлктүк комплекстерден чыгаруу менен анын базасында «Түндүкэлектр», «Чыгышэлектр», «Жалалабадэлектр», «Ошэлектр», «Бишкекжылуулуктармагы» акционердик коомдорун түзүү талкууланган.

«Кыргызэнерго» АК эки компанияга бөлүүгө уруксаат берилип «Кыргызстан улуттук электр тармагы» жана «Электр станциялары» ачык акционердик коомдору түзүлөт.

16-майда Кыргыз Республикасынын Өкмөтү жана Жогорку Кеңештин Эл өкүлдөр жана Мыйзам чыгаруучу жыйындарынын депутаттарынын макулдашылган комссиясынын бирдиктүү чечими менен «Кыргызэнерго» АК бөлүштүрүү мамлекеттен ажыратуу боюнча Программа кабыл алынган.  

29-майда Кыргыз Республикасынын Өкмөтү  «Токтогул ГЭС каскадынын жана жогорку чыңалуудагы электр энергия чубалгыларынын негизинде түзүлгөн акционердик коомдордун мамлекеттик акцияларынын пакетин мамлекеттин менчигине бекитүү боюнча» №256 токтомун кабыл алган.

9-июнда «Кыргызэнерго» АК мамлекеттен ажыратуу жана менчиктештирүү Программасына ылайык Токтогул ГЭС каскадынын, Бишкек ЖЭБ жана Ош  ЖЭБ базасынын негизинде «Электр станциялары» ачык акционердик коому», 110кВ жана андан жогорку чыңалуудагы чубалгыларда электр энергиясын берүү базасынын негизинде «Кыргызстан улуттук электр тармагы» ачык акционердик коому түзүлгөн.

 Кыргыз Республикасынын Жогорку Кеңешинин Мыйзам чыгаруу жыйынынын № 425-11 жана № 290-11-6  Эл өкүлдөр жыйындарынын 29.06.01 ж. Токтому менен.