«Кыргызстан улуттук электр тармагы» ААКда компаниянын жетекчилигинин, жамаатынын жана чакырылган коноктордун катышуусу менен Ноорузду майрамдоого арналган салтанаттуу иш-чара болуп өттү.
Иш-чаранын максаты улуттук баалуулуктарды, корпоративдик рухту бекемдөө жана кызматкерлердин чыгармачылык талантын ачуу.
Салтанатты ишкананын башкы директору Алтынбек Рысбеков ачып, баарын жаз майрамы менен куттуктап, бекем ден - соолук, иштерине ийгилик жана бакубат жыл каалады.
Ар бир структуралык бөлүм даярдалган номерлери менен чыкты: улуттук ырлар, бийлер, жана элдик үрп-адаттарды, каада-салттарды көрсөтүү, ошондой эле аркан тартыш, кол күрөш сыяктуу оюндары болду. Мындан тышкары, элдик тамак-аштар жана суусундуктар менен дасторкон жайылды.
Иш-чаранын соңунда мыкты аткаруулар жана катышуучулар үчүн атайын дипломдор жана сыйлыктар тапшырылды.
