Энергетика министрлиги тарабынан жүргүзүлүп жаткан реформалардын алкагында жана калкты үзгүлтүксүз электр энергиясы менен камсыз кылуу максатында, «Кыргызстан улуттук электр тармагы» ААК 2026-жылы 268 даана трансформатор сатып алат.
2026–2027-жылдардын күз-кыш мезгилине даярдыкты күчөтүү планына ылайык республика боюнча жогорку жана төмөнкү чыңалуудагы көмөк чордондордо кубаттуулуктарды жогорулатуу боюнча төмөндөгүдөй иштер жүргүзүлөт:
Жогорку чыңалуудагы 35-110 кВ тармактарында 20 көмөк чордондо күч трансформаторлорунун кубаттуулугу кошумча 256 МВАга көбөйтүлөт.
Анын ичинде:
· Бишкек шаары — 2 даана;
· Жалал-Абад облусу— 5 даана;
· Ысык-Көл облусу — 5 даана;
· Нарын облусу — 2 даана;
· Талас облусу — 2 даана;
· Чүй облусу — 4 даана.
Керектөөчүлөрдү тейлеген 10/0,4 кВ тармактарында тейлөө сапаттын жакшыртуу үзгүлтүксүз электр энергиясы менен камсыздоо үчүн жалпы 248 даана трансформатор орнотулат жана кубаттуулугу жогорулатылат. Мунун натыйжасында кубаттуулук кошумча 107 МВАга жогорулайт.
Трансформаторлор төмөндөгүдөй бөлүштүрүлөт:
• Бишкек шаары — 46 даана;
• Баткен облусу — 22 даана;
• Жалал-Абад облусу — 29 даана;
• Ысык-Көл облусу — 28 даана;
• Нарын облусу — 27 даана;
• Ош облусу — 46 даана;
• Талас облусу — 42 даана;
• Чүй облусу — 8 даана.
Бул иштер тармактагы жабдууларды жаңылап, жүктөмдү азайтууга шарт түзөт. «Кыргызстан УЭТ» ААКсы энергосистеманы заманбап талаптарга ылайык модернизациялоо иштерин улантат.
Электр энергиясы менен камсыздоо боюнча суроолор жаралса, «Кыргызстан УЭТ» ААКнын күнү-түнү иштеген чалуу борборуна кайрылсаңыздар болот:
