2024-жылдын 2-апрелинде Казан шаарында Көз карандысыз Мамлекеттер Шериктештигинин (КМШ) Электр энергиясы боюнча Кеңешинин 66-жыйыны өттү. Иш-чарага «Кыргызстан Улуттук электр тармагы» ААКтын башкы директору Алтынбек Рысбеков катышты.
Жыйын КМШнын Электр энергиясы боюнча Кеңешинин президенти, Россиянын энергетика министри Сергей Цивилёвдун жетекчилиги алдында, «ЭНЕРГОПРОМ» Казан эл аралык энергетикалык форуму алкагында өттү.
Катышуучулар Орусия, Казакстан, Тажикстан жана Өзбекстандагы электр энергетикасынын өнүгүшү жана келечектеги долбоорлор боюнча баяндамаларды караштырышты. Айрыкча, Россиянын энергетика министри Кеңеш мүчөлөрүнө 2042-жылга чейин РФтин электр энергетикасын өнүктүрүү боюнча Генералдык схеманы сунуштады.
Ошондой эле, КМШнын отун-энергетикалык комплексин 2035-жылга чейин (перспективасы 2050-жылга чейин) өнүктүрүү стратегиясын даярдоо маселелери каралды.
